GEMINI

GEMINI

unum ex XII. Zodiaci signis, Graecis Δίδμυοι, receptiori Astrologorum opinione sunt Tyndaridae sive Ledaei Iuvenes, Castor et Pollux, quos, ut Hygin, ait Poet. Astronom. c. de Geminis, Iuppiter inter notissima sidera constituisse existimatur; Neptunus autem pariiconsilio numerasse: nam equos his, quibus utuntur, donavit, et dedit potestatem naufragis saluti esse. Unde fratres Helenae, Horat. Carm. l. 1. Od. 3. v. 2. et pueri Ledae eidem Od. 12. v. 25. salutare sidus nautis habentur. Causam Comm in Aratea Germanici Caesius sive Calpurn. Bassus hanc reddit: Castorem et Pollucem Geminorum honore decoratos, quod principes pacationis dicantur: quod mare totum praedonibus maleficisque pacatum reddidissent etc. At alii. eodem Hygino teste, herculem et Apollinem nonnulli Triptolemum et Iasona, a Cerere dilectos, Geminorum nomine intellexêrunt: priorum opinionem Arabibus sequutis, qui eum, qui cancro vicinus, Abrachaleum, alterum Avellar, corrupte vocitarunt. Imo alii, inquit memoratus Arati Interpres, volunt Zethum et Amphionem esse: ideo unus zonam, alter lyram habet. Nigidius Deos Samothraces dixit: ducem viz. sequutus eum, cuius sub Orpbei nomine hymni vel Initia potius exstant. Nam Carmine, quod Κουρήτων ςθυμίαμα inscribitur, sic is de iis:

Κουρῆτες Κορύβαντες, ἀνάκτορες ἐυδύνατοί τε

Ε᾿ν Σαμοθρανίῃ ἄνακτες ———

Et mox:

Οἵ τε καὶ οὐράνιοι Δίδυμοι κλήζεςθ᾿ εν ὀλύμτῳ,

Et qui caelestes Gemini Vocitamini Olympo etc.

Vide Gerh. Ioh. Voss. de orig. et progr. Idol. l. 2. c. 36. uti de signi huius figura, Salmas. ad Solin. p. 1237. Ceterum Gemini, iidem cum Gemellis; quorum sibi per omnia similium exemplum, Daucia et Tymber, Rutuli, Lari apud Virg. Aen. l. 10. v. 310.

——— simillima proles,

Indiscreta suis, gratusque parentibus error.

Vide quoque Stat. Theb. l. 9. v. 295.

Solus abi miseros non deceptura parentes

et seqq. Lucan. Civ. Bell. l. 4. v. 526. Claud. l. 1. in Rufin. Carm. 3. v. 108. ubi de Castoribus, Alios. Quanto magis mira similitudo non unâ provinciâ natorum apud Plin. l. 7. c. 12. quos Toranius Mango Antonio Triumviro, ut geminos, vendidit, cum alter in Asia, alter trans Alpes genitus esset: detectâ fraude, quum a Furente esset increpitus, magnitudinem pretii inter alia conquerente, argute respondens, ob id ipsum se tanti vendidisse, quoniam non esset mira similitudo in ullis, eodem utero editis. Diver sarum quidem gentium natales tam concordi figurâ reperiri, super omnem esse taxationem; adeoque tempestivam admirationem intulit, ut ille proscriptor animus, modo et contumelia furens, non aliud in censu magis ex fortuna sua duceret, Recens exemplum nobile, in Sebastiano Portugalliae Rege aliisque nonnullis, de quibus infra ubi de Pseudonymis.